القصيده للشاعره البندري على لسان زوجه تزوج رجلها عليها وحبيت ارد عليها

القصيده للشاعره البندري على لسان زوجه تزوج رجلها عليها وحبيت ارد عليها
اليوم لـك ثانـي مـع راحـة البـال ********وانا بعـد همـي لـه اليـوم ثانـي
اليـوم تاركنـي انـاظـر بـالاطـلال**صورة,, رساله ,,حلم ,,جرح واماني
ليلـي قضيتـه بيـن هـمٍ وغـربـال**واقول فـي نفسـي حبيبـي نسانـي
غنيت انا عقبـك مـن الضيـق مـوال**يومك تسمـع للطـرب والاغانـي
لي دمعةٍ من فـوق الاوجـان تختـال**يومـك تلاعـب مترفـات المبانـي
وبي عبـرة منهـا المخاليـق تهتـال***ياعبرتـي لاتفضحينـي عشـانـي
ياعبرتـي خلـي لـك الصـدر منـزال**لاهوب بـك داري ولاهـوب عانـي
مشغول لـه فـي ترفـة حالهـا حـال**ماهوب فاضـي لعبرتـي او جنانـي
في يـوم واحـد نستـه كـل الامـال**وش عاد لو يدري بشـوق غشانـي
ماهـوب مثـل اول هـذاك الغـلا زال**عـــــزاه كيـف الـود زال بثوانـي
اربع سنيـنٍ طـوال ياكيـف تنـزال*********وتحط في قلبك هنـوف مكانـي
ماكنت اظنـك تجحـد الـود لا طـال**اثرك علـى طريـف وتبينـي اعانـي
قـد قالـوا ان البعـد والصـد قتـال********وانـا اشهـد انـه علـة بالمحانـي
يومي اشوفك لابس بشت وعقـال******والشارب الاسـود وزول سبانـي
وعروستك من الحيـا ترخـي الشـال** وترسل لها بسمه تزيـد امتحانـي
دمعي بلا علمي على وجنتي سـال**اشتقت لـك ليتـك تحـس بحنانـي
ليتك تشوف الحـال يامتلـف الحـال**بس التفت لي شـوف شالله بلانـي
نصيتهـا تضحـك لهـا لاهـيٍ سـال**واقـول ياليتـه حبيبـي نصانـي
الله يادنـيـا التعـاسـه والاهــوال**الله يستر وش يخبـي لـي زمانـي
غلطانـه اللـي تعشـق اليـوم رجـال**مهما حلـف بالـود يبقـى انانـي
وقلب الرجل مابه من الحـب مثقـال**والبنـت ترفـه قلبـهـا مايـدانـي
حاولت اعبر والقلـم فـي يـدي مـال**من هول مابي انعقـد بـي لسانـي

الرد على القصيده بلسان الزوج
الحب من قلبك رماني للاهوال *** ولقيت وردة مفتحه في الجناني
يا ما بغيت منك الحنان بالحال ************* وانت للوِلد دوم تلاعباني
أنا رجال ابغي الدفيء والدلال ********* ويوم اقبل للبيت نار الله توقداني
من يدك شعرت بالضيق منهال ******** ويا ما قلت لك اريد الحب والتفاني
واليوم لقيت صبيه لها العين تختال ********** صغيره وسهم الحب منها رماني
مشغوله بالوِلد انت وحالك حال ******* وانا رجال يحب كل يوم إهتمام الحساني
أربع سنين ضيعت القلب بإهمال ********* وانا الحين مع الورده تمسح الاشجاني
(تقولين ليلـي قضيتـه بيـن هـمٍ وغـربـال)**( واقول فـي نفسـي الحب من قلبك نسانـي)
الله عليك يا الهنوف وحالك غير حال ***************ودمعك فوق خدك سيلاني
لين قلبي من حبك ما زال ****************** بس إهتمي فيني وحسني اللساني
انا رجال اتعب من كثرة الاعمال ********* وهموم قلبي تزيد وأعاني
أبي أقبل على البيت منشرح البال ** تلاقيني بلهفة المحب بالاحضاني
من حقي لبس البشت والعقال******** وأزين روحي بالزول السبانـي
لعروسة ٍ من الحيـا ترخـي لي الشـال*** وترسل لي بسمه الحب وتلهماني
ليتك تشوفي الحـال يامتلـفة الحـال****بس التفتي لي شـوفي شوالله أعطاني
ولك في القلب معزة الوصال ** والعدل بينكن مقدور والله يعيناني
وهذا وعد من زينة الرجال **** ولست من أهل السلواني
*****************************
ما رايكم بها
رومنس

صح لسانك رومنس

صح قلبك يا رمز الحنين ** يا شوق القلب .....آه لو تعرفين
رومنس ما تغيره السنين **ومن اشعاره لا بد قلبك يلين