أنتى السبب ياما
أمى هى أمى
مهما تعمل فيا
مهما تسهر عنيا
هى أمى هى أمى
أمى هى آيه
أمى أقولك آيه
أنتى السبب ياما
أنتى ماحد غيرك أنتى
أنتى اللى خلفتينى
أنتى اللى سيبتينى
أعيش وسط الناس
وجوايا مية إحساس
بالنقص والحرمان
من الحب ومن الحنان
اللى أحبه يكرهنى
واللى أشتريه يبيعنى
هى دى الدنيا هما دولا الناس
جيبتينى لدنيا مليانة بالأحزان
دنيا غير الدنيا
اللى كنتى بتحكيلى عنها زمان
كنت وأنا صغير تحكيلى فى الحواديت
عن دنيا مليانة بالفرح والزغاريد
ولما كبرت لقيت أحزان وتجاريح
أنتى السبب ياما أنتى السبب ياما
خليتى جوايا إحساس بالأمان
ولما كبرت لقيت عكس اللى كان
لقيت عكس كلامك ليا زمان
لقيت دنيا غير دنيا الأحلام
أنتى السبب ياما أنتى السبب ياما
الحب فى الدنيا نادر وشحيح
والغدر فى الدنيا موجود فى كل طريق
وأسأل الناس عن دنيا الحواديت
يقولولى ده كله كلام حواديت
أنتى السبب ياما أنتى السبب ياما
سألتك عن كلامك بتاع زمان
قلتيلى ياضنايا أنسى اللى فات
عيش فى الدنيا وبلاش أحلام
أنتى السبب ياما أنتى السبب ياما
طب ليه مقلتيشى عن الدنيا الحقيقية
طب ليه خلتينى أرسم صورة وردية
فى خيالى صورة حلوة عن الناس
وفى الدنيا ناس من غير إحساس
أعمل آيه ياما أعمل آيه ياما
لا أنا قادر أعيش فى دنيا الأحلام
ولا أنا قادر أعيش فى دنيا الأحزان
طب أعمل آيه ياما طب أعمل آيه ياما
إبنك خلاص تاه فى الطريق
مش لاقى ولا حتى قلب صديق
يحس بيه ويواسيه
أنتى السبب ياما أنتى السبب ياما
فتحى عادل السعدنى
المحلة الكبرى - مصر
أنتى السبب ياما ؟ 
العرض العادي
