امل ومحمد

هذه قصه جديده اتمنى ان تنال اعجابكم لاني امضيت الكثير من الوقت في الفتره الاخيره في كتابتها وايصالها لكم بافضل صورة وارحب بمدحكم وانتقاداتكم واحب اخبركم انه القصه على حياة المجتمع البحريني

كانت امل منبطحه على سريرها وتحاول اتنام من الضهر بس اخوانها الصغار علي وليلى يلعبون ومسوين صراخ وسوالف ومب قادره تنام فقررت انها تقوم تقعد بالنت اتسلي روحها بدل قعدتها جذي وقامت شغلت الكمبيوتر وفتحت ايميلها ولاقت خمسة اون لاين ومنهم اخوها محمد
وعلى طول سوتله بلوك وقامت تكلم رفيجاتها
مره وحده دخل عليها اخوها : ايا جليله الحيا >>>مسوي عمره مانع بالحياله انا تسوين علي بلوك
امل :ه ههههه لا ما سويت اشفيك معصب
محمد : تعالي بوريج

قامت امل ركضت وراحت فوق السرير وتلحفت بالحاف علشان ما يضربها اما محمد قام يضحك وراح بايميلها شال لبلوك وقال : والله لاخترق ايميلج اذا تسوين بلوك مره ثانيه
وطلع راح غرفته وكلم اخته
محمد : هلووووو
امل : هلووووووين
محمد: بعرفج على وحده فن كله سوالف ونكت
امل :لووول حرام عليك ترضى انا اكلم شباب
محمد : اتخسين المهم هذا ايميلج الجديد لا تخلينها تعرف ايميلج الاساسي
امل : مابي اصلا انا ما حب اتعرف بنات من عندك كلهم خمام
محمد : انا ما غصبت احد وبعدين اهما ما يعرفوني كل وحده حاط لها اسم وعمر غير عن الثانيه
امل : بالله هذي شنو الاسم والعمر ؟
محمد :انا اسمي حسن وعمري 25
امل : انعل ابو الجذبه انت عمرك 19 وين رحنا 25
محمد : ما عليج يالله امدحي فيني عاد
امل : امرنا لله

وشتركو كلهم بمحادثه وحده وكانت البنت تقول اسمها نوال
محمد : ولكمووووو نوال
نوال : يسلمووووووو
نوال : هلا اماني
امل استغربت من وين اماني يايه بعد
محمد طرش مسج لامل انتي اسمج اماني اوكي
امل ما طاقت هالعبه من الاساس وعلى طول بندت الكمبيوتر وطلعت وراحت لاخوها دخلت الغرفه وشافته يتكلم بالمسنجر طبعا وعلى طول طفت الكمبيوتر

محمد :هييييييي انتي شتسوين
امل : حرام عليك انت والله بعلم امي وابوي
محمد :روحي مب خايف
امل : الي تسويه مو زين
محمد : انا ما جبرت احد اهما يضيفوني بارادتهم
امل : خلاص لا تكلمني ولا اكلمك اوكي
محمد : اوكي وتفضلي بره الغرفه خليني على راحتي
امل :تطردني ..اوكي
طلعت امل من الغرفه ماخذه من خاطرها على اخوها وراحت قعدت بالصاله اتطالع التلفزيون
بعد عشر دقايق محمد جه الصاله وشاف اخته قاعده اهي شافته بس ما عطته وجه وجه صوبها واخذ الجهاز من يدها امل تافافت وقامت بس مسكها من يدها وقعدها صوبه
محمد :زعلانه مني ؟
امل : لا بس خلني اقوم بروح غرفتي
محمد : اموله انتي تعرفين انه مب قصدي يعني انتي عصبتيني
امل : تطردني من غرفتك وما تبيني ازعل
محمد : حقج علي وانا اسف وماراح تتكرر
امل :اكيد
محمد : اكيد دلوعة حمودي
امل :ههههههههه
قامت امل وراحت غرفتها وفتحت النت وردت تلعب شوي ودخلت على المنتدى وشافت مشاركه وهي عبارة عن ابيات شعرية في غاية الروعه عجبتها وقررت اترد على المشاركه ردت على المشاركه وقامت راحت تحاول تنام بعد ما طلعت اخوانها من الغرفه .
قعدت من النوم الساعه 5 العصر وحست بالجوع وراحت المطبخ تدور شي تاكله وشافت مرت ابوها بالمطبخ تطبخ كيك
امل : السلام عليكم
احلام : عليكم السلام ..وينج من الصبح ما شفتج
امل :كله بغرفتي في شي ثاني اسويه بدال
احلام : اشفيج مزاجش متعكر
امل : لا ما في شي بس جوعانه
احلام : في ايسكريم وفي اجباس اخذيهم
امل : اوكي
امل بنت عمرها 15 سنه امها متوفيه وابوها متزوج من كانو صغار اخوها محمد اخوها من امها وعمره 19 سنه اولى جامعه واخوانها علي وليلى صغار وتؤام عمرهم 9 سنوات
امل في صف ثالث اعدادي بنت جمالها معقول وطبيعي ماقول انها غاية الجمال الا انها جذابه بشكلها العام تتميز بشعرها الحلو الي مثل امها وهدؤها ونعومتها اما اخوها محمد فهو يشبه ابوه فما كان حلو وجذاب الي ذيج الدرجه كان عادي وشكله بشوش ويحب المزاح وحياته اكثر شي نت
اما علي وليلى فهما توم وياخذون من امهم شوي فطالعين احلى من اخوانهم .
امل خذت لها جبسين وعصيرين وراحت لاخوها بغرفته طقت الباب بس ما يفتحه فتحت اهي الباب ولقت بالحمام
امل :حمودي انت تتسبح
محمد : أي بس والي يعافيج شوفي شي من الثلاجه جوعان
امل : هذاني يبت عصير وجبس فوق السرير يلا بروح غرفتي
طلعت امل من غرفة اخوها وراحت الصالة قامت تتامل ببيتهم صج انه صغير بالنسبه للبيوت الي صوبهم لكن تحسه لامنهم واسرتهم سعيده ودائما مع بعض بيتهم فيه اربع حجر بحمامتهم وصالة ومطبخ ومجلس وهذا البيت الصغير يعجب امل وتتمنى تحصل بيت مثلة بالمستقبل .
تمللت بروحها بالصالة وقامت قعدت بالكمبيوتر بغرفتها فتحت ايميلها شافت طلب اضافه قبلته
امل : السلام عليكم
....:عليكم السلام
امل : منو معاي
....: انت الي منو
امل : انت الي ضايفني
....: يبا انا ما ضفتك ولا شي
امل : الضاهر غلطان اخوي
......: يمكن ...انا اسف
امل : عادي اخوي ما حصل الا الخير
قعدت فترة امل تطالع بالايميل ما تدري ليش ما حذفتة بندت الكمبيوتر وقامت
امل : احلام وينج احلام
احلام :هذاني بالصالة
امل : احلام ابي اطلع بروح بيت عمي
احلام : حرام عليج تعبانه انا قولي لابوج انا سياره مب سايقة هلكانه من شغل المطبخ
امل : اوكي
احلام بنت صغيره ما تتعدى 30 سنه تزوجت من ابو محمد وجابت علي وليلى وكانت سعيده بحياتها ولمن كبرت امل ومحمد كانها اختهم الي يلجاون لها دائما مب مرت ابوهم .
امل :بابا
ابو محمد :هلا حبيبتي
امل : يبا ابي اروح بيت عمي
ابو محمد : عندج اخوج خليه يوديج
امل : واعليه تعبان
ابو محمد : انزي قومي لبسي وانا بوصلج
قامت امل ولبست عباية الكتف حقها والشيله طبعا قليل الي يغطون وجههم اما امل كانت كاشفه ويهها
نزلت وكانت حلووه وايد بالشيله الجديده وطالعه زاهيه فيها
احلام :ياي حلوه عليج
امل :ههههه حليت دنياتج
احلام :يلا روحي قبل ما ابوج يعصب
امل : انشالله
ركبت امل السياره ووصلها ابوها الي بيت خالها وقالها انها اذا تبي ترجع تدق عليه
بيت عمها عندهم خمسة عيال الاكبر اهو احمد عمره 25 ويشتغل محاسب بالبنك الثانيه بنت متزوجه وعندها ولد وعمرها 20 الثالث ولد اسمه ناصر وعمره 18 والرابعه بنت اسمها نجلاء وعمرها 15 واهي اقرب وحده الى امل والخامسه بنت اسمها علياء عمرها 10

دخلت بيتهم سلمت عليهم وسالت عن نجلاء وقالو انها نايمه ما حبت توقضها من نومها فقعدت بالصاله وكلهم سوالف وربشه ومستانسن بوجود امل وياهم بعدين تعبو عمها يوسف ومرته زهره وقامو راحو نامو وبقوا الاولاد
احمد :شخبار الدراسه وياج
امل :اسكت ولي يرحم والديك عفن في فن
احمد :ههه بل
ناصر حس بالغيرة من اخوه ليش انه يحاجي امل رغم انه يعرف انه امل اخت تقريبا لاحمد وعلاقتهم قوية اكثر من ناصر
ناصر :امل انتي لي ما تلبسين عباية راس انتي كبرتي مب ياهل
امل : الله يهداك يا ناصر انا مب عيوز
ناصر : احنا ما قلنا غطي ويهج قلنا لبسي عباية راس استر
امل سكتت مب من النوع الي تجادل او تتكلم وايد ففضلت السكوت
احمد : الله يهداك بس اذيت لبنيه اهلها راضين انت شدخلك
ناصر حس انه انحرج وقام راح غرفتة من دون ما يتكلم وضلو امل واحمد وعلياء
امل : انا باروح اصحي نجلاء ما اصبر عنها
احمد : أي روحي لا تموتين علينا
راحت امل صحت نجلاء نجلاء من فرحتها من زمان ما تشوفها حضنتها باستها
نجلاء :عمري انتي وينج ما تنشافين كلش
امل :شسوي محد يجيبني
نجلاء: والدبه احلام ليش ما تيبج
امل : حرام كله تشتغل تعبانه واذا قال ابوي بييب ما ترضى تقول انا احسن بذمتج في مره جذي هالايام
نجلاء :عشتو
امل : لا تبدين ازعل منج ترى
نجلاء : لا تزعلين ولا ازعل خلينا نقضي اليوم على خير
وقامو يسولوفون من سالفة لي سالفة الي جت اليل وي ابو محمد واخذ امل وروحت بيتهم


ارائكم بالقصه

انتضر ردودكم