قصة مدمن حقيقيه وهو يبكي

قصة مدمن حقيقيه وهو يبكي

--------------------------------------------------------------------------------



" قصة مدمن حقيقية وهو يبكي"

يقول أنا قبل 11 سنه كنت مسعور لأني لجأت لأشياء تغضب الله أنا أدمنت المخدرات لمدة 20 سنه شفت فيها الويل والله ماكان عندي ليل ولا نهار كنت سجون ومستشفيات وتشرد في الشوارع كانت بداياتي من المسجد للبيت وكان عندي أبو شديد كنت مشترك مع مكتبة المسجد شباب طيبين وماعندهم أي مشاكل كنت جالس مع أبوي في المجلس ولاحظ أني صرت مثل الببغاء أقلد كل شي قال لي اسمع أنت السنة ذي لازم تنجح وإذا مانجحت أنا بعلقك " يعني بشغل العقال" خلك رجال وانجح وأنا طلعت من المجلس وأدور حلول وكانت عندي مشكله وهذي مشكلة كل الشباب الحلول السريعة رحت لشباب بعد صلاة المغرب قلت لهم ياشباب أبوي يقول إذا ما نجحت بعلقك قالو والله توكل على الله وصل وادعي وأنا أقول في قلبي هذي يبيلها شغل قلت لهم فيه حاجه يسمونها براشيم قالو لا يااخوي من غشنا فليس منا قلت ياعمي ماعندكم سالفة وأعلنت الحرب عليهم وذولا يبون كل شي صدق مايصير لازم نسوي وحدة من الثنتين فأنا رحت لشباب الفاهم ومافهمني وقلت أروح لرجه (أصدقاء السوء) ودايم الرجه يجلسون تحت سور المدرسة في الفسحة أو نهاية الدوام يدخنون يحالون يغطون على عيوبهم ورحت أدورهم فنطيت السور ولقيته قاعد يدخن على بلكه قلت له عبود أنا عندي مشكله قال اجلس شف حلال المشاكل قالت له عن أبوي قام يشفط السجاره ويقول إن لله ياأخي أبوك معقد وعطاني سجارة أول مره المس سجارة في حياتي أول ماحطيتها في فمي أشوف صورة أبوي بالمشعاب قلت أبي أتعلم البراشيم قال لي ولا يهمك أنت تبي تنجح قلت ايه والله قال مالك إلا طيبة الخاطر يقول أنا غبي لأن لو عنده حل كان نجح ولا كن كنت أبي حلول السريعة المهم طلعنا من المدرسة طلع قدامي ورحت لحقته مهو هو الي لحقني أنا الي لحقته عطيت الشخص هذا انه يدخل حياتي كان نهاية الدوام واحد اسمه ناصر مفصول من المدرسة وعنده ( ددسن ) يجي نهاية الدوام يفزع إذا كان فيه مضاربه كان يفحط ويسب هذا المدرس ويلعن هذاك وكان له قيمه الي يركب معه هذا بطل قال لي عبود خلنا نركب مع نصور قلت له نركب مع نصور أهم شي مااتعلق ( والددسن منزله ومغبره وداخل كنه غرفة نوم ) الحقيقة أنا أول مره اجلس مع الأشكال هذي وقام يفحط وأغاني على أخر صوت يو شفت كذا قلت بس هذولا عندهم حل في الطريق قال عبود نصور ترى أبو يوسف يقول لو مانجحت بيعلقه قال أبوك معقد قلت قال لي عبود قال الحل عندي ( أن أن قام يفحط ) صرت أنا في غيبوبه صرت في مجال مو مجالي كان يمكن ارجع لاكن المعاصي في بدايتها تعطيك حلاوة أنا ماظنيت أن نهايتها 20 سنه احسبها يوم ولا انسجن 8مرات ولا ادخل المستشفى 19 مره دخل نصور يدينه في مخباته وطلع منديل وابيض والله والله أنا ماانسى ذاك المنديل الي دمر حياتي فتح المنديل إلا فيه أربع حبات قلت وش هذا قال أنت تبي تنجح أو لا قلت ايه قال أنا خويك مابضيعك كلهم يقولون كذا قال لي حبه وحده تخليك تحفظ كتاب الرياضيات وتصوره تصوير عاد أنا مدام أخذت الدخان منهم ليش مأخذ الحبه قال راح ترتاح راح تكيف الله قلت لهم نزلوني خلوني أصور الكتاب دخلت البيت أمي حست أني سويت خطأ قالت رح الغرفه لا يشوفك أبوك سهرت ذاك اليوم على أني أقراء وماقدرت أني أقراء قلت يمكن بعد صلاة الفجر صرت زي القرد لا صورت ولاهم يحزنون رحت الاختبار سهران اطالع الورقة مو قادركان وراي عبود قلت عبود أنا ماشوف شي قال فكت قلت الحل قال خذ ذي عطاني من تحت الكرسي فكت صكت صرنا مواتر وكلتها وصرت اشتري ازعجتني أبي أنا م إلا يقول لي المهندس مايفك الحبوب إلا الخمر شربت ذاك اليوم أمي سوت حالة طوارئ في البيت المهم أبوي مايشوفني بعدين رجعت له قلت احنا عائله محافظه الخمر مايصلح يطلع ريحه وش الحل قال يااخوي مالك إلا الحشيش مافيه ريحه قلت زين عطني وزين أنها جت على مخدرات توصل لشرف والله والله كنت عند مروج ودخل علينا واحد معه طفل عمره سنتين وكان ناقص من فلوسه 10 ريال قال له رح كمل فلوسك قال البيت بعيد قال رح كملها قال تعبان قال له جب لي ضمانه قال يضمني يوسف قلت أنا لا شلون أضمنك مجنون أنت قال المروج اجل خل الولد عندي ورح جب العشره والله خلا ولده عندنا وراح جاب عشره والله خلاه وقام يبكي الولد وهو يقول بابا من فيكم يحب الحياة هذي ويوم أمي صادتني قالت لي ياولدي أنت متغير وأنا أمك قلت ايه يمه وجابت الحل بسرعة مسكينه قالت أنت مسحور وماخلت شيخ في المنطقة الشرقية ولا حتى الأمارات أخرها ودتني عند شيخ في الخبر قال لها ولدك محشش قالت له لا ولدي مسحور المهم درت قالت المهم اثنين لايدرون أبوك وجارتنا أم محمد يعني الجاره تهمها أكثر مني خلاص ماتبين يدرون اجل كبي فلوس وصارت 500 ورى 500 إن ماعطتني ترى اعلم أم محمد رحت اشتري حشيش في يوم من الأيام لقيتهم يتعاطون شي غريب قلت لهم أبغى حشيش قامو يضحكون علي والله أنت قديم أنت وينك عن العالم الحين مايكل جاكسون وبوب مارلي العالم اليوم هروين قلت لهم هروين هرين جيبو وقعدت أتعطى الهروين 15 سنه وأمي مازالت معي مسكينه بعض الأحيان أجي محشش اتفلسف عليها أو هروين يغمى علي وهي مسكينه فوق راسي تقرأ قرآن أمي ملت حولت المعاملة على أختي قالت لها أمي أخوك يشرب مخدرات قالت يوه لا احد يدري بعدين مااحد يخطبني واجلس مع أختي وأمي هاتو فلوس ترى مافيه خطبه ترى بعلم أنا ماانكر أن أهلي ساعدوني على التعاطي بس ماكانو يدرون أختي حولت المعاملة لخوي قال يوه أهم شي أهل زوجتي لايدرون قلت أنا تمام هذا واحد ثالث دخلناه معهم في العبه وش تبي أبي سياره وش فلوس صرت أتعاطى بكميات وصلت المعاملة لبوي ويوم جت لأبوي أنا كنت أتسمع فوق عشان أي شي صار أنحاش قال يوه أهم شي لا يدري أبو فهد كان الخجل الاجتماعي ذابحنا الخجل ساعدني أني أتعاطى أكثر يوم طلعت فراسي هنا في المملكة مايحترمون حقوق المدمن بشوف دوله يحترموني كمدمن تايلند رحت لخوي واستانس عطاني 25000 وقال رح اذلف عن وجهي ولا ترجع رحت بعد أربع أيام مسكوني والله والله أني صرت أتبول على نفسي من الطق الله يكرمكم و6 شهور سجن رجعت للمملكة قال أهلي زوجوه من حلولهم الخسرانه صارو كلهم يدرون كل مارحنا لناس قالو حط رقمك كني رايح أدور وظيفة المهم تزوجت وحده من قرية وحده جايه من قرية ماتدري عن شي قلت لها أني عندي مرض مزمن بيعي الذهب عشان أتعالج باعته ورحت نزلت بضاعة من الهند ومره أتعطى عند واحد من أسره مرموقة من أسره محترمه كني أنا مو محترم وكبسة علينا الحكومة وإحنا في الطريق يقول تكفى شلها عني لو درو أهلي بيذبحوني قلت طيب وأنا لو درو عني أهلي بيصفقون لي قال لي تكفى اثاريك منت رجال قالت له أشيلها وأنا اضحك وقامو يطقوني والضابط يقول والله والله مولك أقول له معصي لي يقول حرام بتروح سجن أقول لي واروح الشيخ يقول اتق الله في نفسك والله مو لك قلت ياشيخ تبي اظلم الناس عشان لما تنتشر في الحارة يقولون رجال شوفو التفكير ويحكم علي 7 سنين وكانت مرتي حامل دخلت السجن وهي في الشهر الثامن بعد شهر من السجن قالو جاك ولد وش نسميه قلت صالح 7 سنين عطيتها واحد نذل وجلست 7 سنين و5 أيام طلعت من السجن جاني اخوي إلا عند البيت أولاد يقولون عمي جاء عمي جاء وكنت مستحي لأنزل مااعرف ولدي اشر اخوي من فوق رأسه جيت لميته قال لي وشلونك ياعمي قلت له أنا بابا قال بابا أنت وينك قال بابا لا تروح عني بعيد بعد ولا باليت هذا الكلام العصر الليل أنا متعاطي ماكان فيه نيــه صادقة صدقوني إذا بتدعي على عدوك ادعي انه يدمن دخلنا مره عند مروج ولقينا واحد ساجد قلنا وش فيه قال طفى رادو طفاه يعني مات قلنا عندك شي قال ماعندي إلا الي مع الميت قلنا جيبه يعني المجنون لو تقول له استعمل منه قال لا ويجلس عندنا الميت لين 12 الظهر مافيه احساس والله والله مره دق علي مروج وطرده أبوي دق علي من البقاله وقال جيتك البيت وأبوك طردني ونزلت على أبوي غاير أنت وش فيك تطرد خويي قال لي يايبه هذا ردي قلت يايبه أنت الردي قال هذا مو رجال قلت أنت الي مو رجال وقام يبكي عشان مروج فيه مشهدين عمري ماانساها الأول كان في رمضان الساعة 10 كنت لابس شورت وفنيله ومعاي كولا وسندوتش جبن نزلت الصاله إلا أمي تقرأ قرآن تركت القرآن وجتني قالت ياولدي تراك في رمضان قلت ادري وله 5 أيام خير رمضان لك وأشكالك رمضان مو لنا شوف الاستهتار وين وصل لا تطلع بعد شوي يأذن الظهر لا يشوفونك الجيران قلت أقول وخري عني يوم وصلت باب الشارع طارة علي المسكينه عشان لا يشوفون المعصيه معي يوم دفيتها وضرب رأسها والله ماقدرت ترفع رأسها واسمعها تقول الله لايوفقك لافدنيا ولا أخره والله طلعت 100 متر مالقيت إلا راسي تحت ورجليني فوق ويطقون فيني عالم طق ياالله يمكن الله نزل ملائكة من السماء هم 3 أشخاص بس طق 100 وحطوني في الشرطة وودوني أنا أظن أن أمي بلغت علي إلا الضابط يقول والله إحنا مو جايين لك نبي واحد اسمه سامي وشلون طحت بين يدينا قلت له دعوة أمي وصلت والثاني كنا جالسين عند بقاله ومرت بنت صغيره عمرها 8 سنوات ومعها ذهب وإحنا نبي مخدر وقال خويي وش رأيك قلت عليها يوم يجي يلمها وافتح الذهب وهي تقول حرام عليك لا تأخذه أنا أبوي ميت ماعندي احد يجيب لي والله البنت ذي قامت تطلع لي ليل نهار وأنا في السجن خذينا الذهب ورحنا اثنينا خويي مات وأنا رحت السجن تتوقعون تظلم ويخليك الله وبعدين الحمد لله هداني الله على يد واحد متطوع في الأعمال هذي الشخص هذا كان يزورني السجن والمستشفى وكنت اكرهه كره اليهود من يدخل عندي العنبر اقلبه فوق تحت عليه أخر شي مسكته قلت له أنت وش تبي قال أنت فيك خير قلت فيني خير بس مو لك بعد المشادات الحمد لله بعد 6 شهور قابلت اللواء سلطان الحارثي مدير مكافحة المخدرات قلت له عن مشكلتي وهو ماكان مصدق أني كنت مدمن من شكلي بعدين سوا لي موعد مع صاحب السمو الملكي الأمير فيصل بن فهد الله يرحمه وقلت له فيه دراسة في أمريكا عن علاج الإدمان ودي ادرس فيها فقال اثبت لي نفسك لمدة سنه والحمد لله اثبت له ودرست في أمريكا وأنا الحين أخصائي علاج إدمان وهذا بفضل الله وصار عندي شهادتين في الحياة ومن جامعة أمريكا .

اسف على الإطـــــــــــاله

شكراااااااااااااااااا

أهلاً وسهلاً معنا في منتديات البندري يا اريج أسعدنا تواجدك بيننا على أمل أن تستمتع وتستفيد
وننتظر مشاركاتك وتفاعلك فمرحباً بك بين إخوانك وأخواتك
ونسأل الله لك التوفيق والنجاح والتميز

مشكور جدا جدا على الموضوع الحلو

وتقبل مروري اخوي عبدوووووووووووووووووووو

شكرا جميعن من شارك في هذا الموضوع