تدور احداث الفيلم حول شركتين من شركات البلد المساهمة...شركتين بها اكبر عدد من المتداولين الصغار والكبار لسرعة الارباح بها...فهما في نظر الكثيرين افضل من سابك والراجحي والاتصالات والكهرباء...
حتى ان البعض تكاد لا تخلو محفظته منهما هذا ان لم تكن كل المحفظة باحداهما او كلاهما...
بيشة: صباحية مباركة يا مواشي
مواشي: صباحية ايه يا بيشة
بيشة: تصدقي يا مواشي انا شركة فاشلة وخسرانه 85% من رأسمالي بس الناس يحبوني
مواشي:وانتي زعلانه ليش؟ انا كمان خسرانه 95% من رأسمالي والناس من غير ما يعرفوا يعوضوا خسائرهم في سوق الفلس
بيشة: سوق فلس ايش؟
مواشي: سوق الاسهم السعودي!!
بيشة: الله ياخذ شيطانك يا مواشي..وليش تقولي فلس والناس بتطلع منه مليارات كل يوم
مواشي: اللي بيطلعوا مليارات مو ناس..هذولا كبار والكبير الله..الناس بيخسروا كل يوم ولا زال عندهم امل
بيشة:طيب ايش رأيك نفكر مع بعض كيف نساعد الناس الخسرانة
مواشي: طيب
بيشة: تعالي نشوف ايش عندنا استثمارات ونفكر كيف نطورها
مواشي: انا حاغير اسمي الى انعام القابضة ورئيسي امير...يعني انا في السليم
بيشة: انا ما عندي الا مزرعة نخيل خاوية على عروشها..وكل رأس مالي في الاسهم
مواشي: انا عندي مشاريع واغنام وشركات بس كلها خسرانة وحاقفل الخسرانه واسس شركات جديدة واغير نشاطي والهيئة حتدعمني عشان رئيسي امير
بيشة: انا رئيسي في العسل وكل راس مالي متعلق فيه بالسوق
مواشي:انا رئيسي دخل تحدي والظاهر انه حيندم
بيشة: الهيئة يقولوا حتوقف شركات..تتوقعي احنا منهم؟
مواشي: انتي يمكن عشان ادارتك بيتلاعبوا بحساباتك
بيشة: وانتي ماشاء الله عليك عيني عليك باردة...ما فيه حد احس من حد يا قلبي
مواشي: والله انك صادقة نص الشركات خسرانة واللي بتربح من الاستثمارات
بيشة: والله انك خوفتيني يا نعومة...الله يستر
وتمر الايام وتظهر نتائج الشركات للربع الثالث من عام 2006م...والشركتين ترتفع وتحقق ارقام خرافية والناس تربح والسوق كل يوم في نزول...وتتسرب الاخبار من مركز المعلومات عن خطة لعقاب الشركات الخسرانة...ويؤجل القرار الى ان يتم اخراج ال Vip ويتم التصريف والتدوير..والناس مو دارية عن اللي ينطبخ في معمل الهيئة...
وبعد 3 اشهر تلمح الهيئة في اعلان على تداول ان بيشة تلاعبت بنتائج الربع الثالث وانذرتها تصحح قوائمها...وترد بيشة المسكينة على حسن نيه (ما خفي كان اعظم)..ويرتفع السهم ويتضارب الناس من جديد...تعودوا مع كل خبر سلبي لأي شركة ترتفع ارتفاعات جنونيه...ويخرج من بقي من السهم ويدخل من لا يدري ماالذي يجري..ويتفاجأ السوق بايقاف بيشة وانتهاء العيشة...
بيشة: انا بريئة...ليش توقفوني حرام؟ طيب تعالوا عاقبوا الادارة...حرام الناس متعلقة..اعطوهم فرصة ياخذوا فلوسهم
الهيئة: لا ممنوع..النظام عندنا يقول انتي خسرانه 85% من راس المال يعني خلاص نوقفك
بيشة: طيب غيري خسران اكثر مني
الهيئة: لا ما في اكثر منك..عندنا كل معلومات الشركات وانتي اكثر شركة خسرانة
بيشة: طيب اعطوني فرصة..انا فلوسي بالاسهم وخسرانه في القيمة السوقية..يعني لما يطلع السوق حارجع رأس المال..
الهيئة: انتي ما وراك ادارة قوية..وحتكوني كبش فداء...
ويتفاعل السوق مع خبر ايقاف بيشة ويخسر السوق ويكسر حاجز 8000 ..والشركات الخشاشية تخاف وتخسر الكثير والعروض محد يشتريها..ويدب الخوف والرعب في السوق..وكل واحد صار يخاف من شيء اسمه هيئة...حتى البنك لو علق امر بيع او شراء قال في نفسه اكيد الهيئة وقفتني...ويخسر الناس من رؤوس اموالهم ويبدأ المحللين في رسم خارطة السوق...والمستفيد هو المضاربين والصناع...طبعا المواشي خسرت 40% من قيمتها...ولكن تتغلب على الخوف وتحاول التعويض اول النهار وتقفل نسبة تحت اخر التداول..ويتم التدوير والتصريف باسهمها والناس تراهن عليها...وتعود من جديد المضاربات الشرسة..
وتعود للصورة من جديد الاسماك والباحه بعد ان شجعتهما المواشي بخروج رئيس ادارتها ويقول بكل فخر شركتنا خسرانة 95% من رأس المال وسنعمل مع الهيئة لاعادة هيكلة رأس المال ورفع رأس المال..ويتفاعل المتداولين الصغار من جديد ويتم تصريف باقي اسهم الكبار عليهم على النسبة العليا...
ويتفاعل السوق ويعود اللون الاخضر ويعود الامل من جديد..ونتفائل كلنا باغلاق الاربعاء..ونبدأ في رحلة التحليل ورسم خارطة الطريق الجميلة..
وفجأة وبدون سابق انذار..يتم وأد الحلم وتكشر الهيئة عن انيابها وتعلن ايقاف المواشي عن التداول...
ويدب الهلع والخوف في كل الشركات...ويبدأ المتداول الصغير في رحلة جديدة مع فيلم جديد واخراج من نوع آخر...
وتنتهي الهيئة من اخراج اول افلام الرعب التي يقول عنها مؤلفها انها من صالح السوق والمتداولين...
الان الفيلم يعرض على شاشات سينما تداول و يحقق اكبر خسائر للوطن والمواطن
تباع التذاكر في شباك الهيئة...ولاتنسى الحجز على تذاكر للافلام القادمة دمتم بود
(بيشة والانعام)فلم مرعب .اخراج الهيئة 
العرض العادي
