لو ما أبيك ما تشوف ضلوع صدري ثلـّجت وهي تحتريك !
--------------------------------------------------------------------------------
ضمني بالحضن عن( برد الشتاء)
و(دفني) لاصارت الدنيا جليد
ضمني بيدين مليانه( دفا)
واعطني حبك وغيره مااريد
لامتى بصبر حبيبي لامتى ..؟
وانت عن عيني بعيد؟؟
مااهتنى نومي ولا جفني غفا
اشتعل بركان واشواقي تزيد
===============
حبيبي مازرعت لك الشجر في داخلي من شان
تجي تاخذ من اعماقي ثمر وتغيب عن عيني !
انا لولاي احبك ماجعلت من الضلوع اغصان ..
ولا علقت عُشك في حشاي وقلت : (عِش فيني )
حبيبي ليه في فصل الجليد تقاطع البستان ؟
وتتركني لـ وحدي و(الصقيع) يقطّع ايديني
واذا راح (الشتا) والثلج هرول واورق الرمان
تجي تقطف ثماري ثم تستنزف شراييني ؟
أجيك كلي وادوخ بضحكتك كلي...
واموت في لهفتك واتلحف جنونك
لاغاب طيفك انا يامنيتي من لي؟؟
يجرحني (البرد) واتدفيني عيونك
°•.ღ.•°
غربه و(ثلج) شعور وأنفاس دخان
تجتاحني والليل لـ الليل يشكي !
ليلي كِذا بـ الوان ولاّ بلا الوان
لو يحترق صمتي عليه بـ يبكي !
ممكن مـاعرفك ؟ لكن الصدق : عنوان
ممكن أعيشك ؟ لكن شلون بـاحكي .!
خذني ... تعبت من الوله ... و البــرد هدَّاني ..
لمني أبدفا من صقيع الليل باحضـــانك
جيتك عطش مُـنهك ذبل من نـُـضرة أغصاني ..
جيتك إثم " وردة غلا " تستغفر أغصانك
===============
لو ما أبيك ..
ما تشوف
ضلوع صدري .. ثلـّجت
وهي تحتريك !
ما تشوف
الناس ماتت في عيوني
واختفت !
ما تشوف
الكلمه لامن جيت ابنطقها
وقفت !
انت اكبر مشكله عندك حبيبي
ما تشوف
الله يهديــك ..
===================
تمادى في ابتكار (البرد) و المنفى
تمادى واتمادى في خيالاتي
بـ صورك (دفى ) أحضان لين اغفى
او انسج سيرتك موطن لـ آهاتي
أو استنزف طيوفك والطيوف اوفى
واضمد بـ اللقا يا المبعد ذاتي
===========
آآهـ لو إن دافـي اشواقـي لعـب بـك !
.. أو ..
علـى فكـرك هواجيـسـي تـلـوت !
كان تـدري كيـف صـار الحـال بـ سبـك ؟!
وكيف فجعة غيبتك في الصـدر دوت ؟!
(حطب) الفرح غض ..
و(جمر) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(ترى العمر سرااااق )
===============
هذاك لو قال (الشتا ) صيف .. عرقت
ولو قال صيفي( برد) .. شبيت ناري
================
ذَهَب كل الكلام وفضته يوم السكوت نـحاس
قبل ما اشوفك اشوفك نهر من منبع عــذوبه
احبك من زمان( البرد) .. احبك من زمان الياس
كثر ما اصحى من ايام الوله وادخل فـ غيبوبه
أنا وحدي حبيبك لو قريتك في وجيه الناس
ولو وجهك ذنوبٍ مالها في سجدتي توبه
تجي مثل العزا بعد العزا في غيبة الأعراس
وتروح اشبه بـ دمعة فـ الورق بـ الصمت مكتوبه
لو ما أبيك ما تشوف ضلوع صدري ثلـّجت وهي تحتريك ! 
العرض العادي
