ردي على الشاعر ابو الهش
ويا بختكم
الله عليك ابو الهش كلامك به جراح
وهــــموم قلبنا كل يوم بازديادي
يا منوتي لن طب بينا يوم الاتراح
نبعد عن العشاق والهم فينا شدادي
وما هقيت قلوبنا تعرف الافراح
من عذارى القلوب ما همهم حدادي
لن سألت الرومنسي ليش النواح
ماتت في إديني بيوم مهو بعادي
وعدتها قبل ما تغفى العين مصباح
ما احط للبيت بعدها نوارة البوادي
وزاد الحزن للبيت من عقب لفراح
بقدوم وريث العرش ماتت ودادي
ثلاث سنين والشــــوق لها سواح
في دنيتي العذاب شرع الميعادي
واشوف نفسي من الظيم بين الارواح
تايه بوسط الحباري من ساعة البعادي
وما هقيت اعيش العمر وهبوب الرياح
تعصف بالقلب بإعصارها السوادي
وما عليك يا بو الهش الهموم تنزاح
لن لقيت لك في دنياك بنت الاجوادي
تنسيك كل الاحزان والقلب يرتاح
من عنا الهموم إفتح قلبك للودادي
بس انا من الوعد....... ما في ارتياح
لين اصبح في رقبتي والامانه ولادي
ولن شفت مصايب الناس في زمن لاح
يهون ما بيك من مصايب الكون هادي
ويا بختكم انت وصاحبي وكلامي مهو مزاح
لين همومكم اخف ........مما بصدري ينقادي
وهذا جواب ولد الشيبي يدعي لكم بالافراح
وعساكم ما تشوفون القهر بحياتكم في البلادي
ويا بختكم/ ردي على الشاعر ابو الهش 
.psd.gif)
العرض العادي
